रविवार, ७ जानेवारी, २०२४

science congress

नागपूरला नुकतीच science congress झाली. या भव्य आयोजनात अनेक विषयांचा समावेश होता. त्यातील एका कार्यक्रमाचं वृत्त वाचताना मात्र थोडं खटकलं. त्या कार्यक्रमात मुख्य विषय मांडणाऱ्या व्यक्तीने मत मांडलं की, आपल्याला सिंड्रेला नको, सायबेरेला हवी. विज्ञान आणि महिला/ मुली असा विषय होता. खटकलं हे की, सिंड्रेला का नको? सायबेरेला हवी हे ठीक आहे पण सिंड्रेला का नको? मानवी भावविश्व, स्वप्नविश्व, कल्पनाविश्व, परीविश्व, हळूवारपणा, कोमलता, ऋजुता, सौंदर्य; या गोष्टी नाकारून आपण मनुष्य जीवन/ स्त्री जीवन एकांगी आणि साचेबद्ध का करावं? विज्ञान, बुद्धिवाद, तर्क इत्यादींचे जसे जीवनात स्थान आहे; तसेच अन्य गोष्टींचेही आहे. मानवी जीवन कोरडे, रखरखीत बनवणारी विज्ञानाची मांडणी योग्य वाटत नाही. विज्ञान पक्षाच्या लोकांनी एकांगी असू नये, जीवनाकडे समग्रतेने पहावे.

- श्रीपाद कोठे

८ जानेवारी २०२३

त्यांनी नवा सिंड्रेला सिनेमा पाहिला नसेल. नवी सिंड्रेला नुसती तारणहार राजपुत्राची वाट पाहत नाही, स्वतःची स्वप्न स्वतः खरी करते. ती स्त्रीचे मूलभूत आणि नैसर्गिक गुण न सोडताही आधुनिक आहे, स्त्रीवादी नसूनही मुक्त आहे. (मोहिनी मोडक)

कोणत्याही टिप्पण्‍या नाहीत:

टिप्पणी पोस्ट करा