एक पोस्ट पाहण्यात आली की, युक्रेनवर आजची परिस्थिती का आली? कारण तो दुबळा आहे. हे अगदीच खरं आहे. पण या अंगाने विवेचन करताना करुणा, संवेदना, मानवीयता; याबद्दल बोलायचे नाही का? शक्ती आणि शौर्य यांचा गौरव इतका असावा का की; करुणा, संवेदना, मानवीयता या गोष्टी हद्दपार व्हाव्यात? एखादी व्यक्ती, एखादा देश शक्तीने कमी आहे म्हणून त्याला भोग भोगावे लागतात हे वास्तव आहे. पण हे चुकीचे आहे आणि ज्याच्यामुळे त्या दुबळ्यावर अशी परिस्थिती येते तो अयोग्य आहे, गुन्हेगार आहे, अमानुष आहे; हे ठामपणे बोलले, लिहिले जायला हवेच.
By the way -
हिंसा, अहिंसा, युद्ध, आत्मरक्षा या शब्दांचा नीटसा अर्थबोध बहुसंख्यांना नसतो. शस्त्राशिवाय हिंसा असू शकते आणि शस्त्र म्हणजे हिंसाच असते असे नाही, हे समजून घ्यायला माणसाला अजून खूप चालायचे आहे.
- श्रीपाद कोठे
२४ फेब्रुवारी २०२२
कोणत्याही टिप्पण्‍या नाहीत:
टिप्पणी पोस्ट करा