विदर्भ साहित्य संघात काल सरसंघचालकांचे भाषण झाले. भाषणात त्यांनी केलेला एक उल्लेख फार छान आहे. ते नागपुरात प्रचारक म्हणून आले तेव्हा प्रांत प्रचारक म्हणून त्यांना एक व्हेस्पा स्कुटर मिळाली होती. जुनी भरपूर वापरलेली होती. संघाकडे अशा दोन व्हेस्पा स्कुटर होत्या. अर्थात विकत घेतलेल्या. पण त्यावेळी गाड्या आजच्यासारख्या मिळत नसत. नंबर लावून ठेवावा लागे. कोटा राहत असे. कोटा अलॉट होईल, नंबर लागेल तेव्हा स्कुटर मिळणार. तर तशा घेतलेल्या या दोन व्हेस्पा काँग्रेस नेत्याच्या कोट्यातून घेतलेल्या होत्या. संघ सोडून बाकीच्यांना आज हे अविश्वसनीय वाटेल. पण असेच होते. ती मानसिकता, ते सहकार्य, ते वातावरण पुन्हा येवो.
- श्रीपाद कोठे
१० ऑगस्ट २०२२
कोणत्याही टिप्पण्या नाहीत:
टिप्पणी पोस्ट करा