भ्रांती

एक फोन : 'तू ठीक आहे नं?'

माझं उत्तर : 'हो. का रे?'

फोन : 'काही नाही सहजच.'

उत्तर : 'मी फारसा अस्वस्थ वगैरे होत नाही रे.'

फोन : 'का? कसं?'

उत्तर : 'दुर्गा सप्तशतीत शेवटी म्हटलं आहे - या देवी सर्वभूतेषु भ्रांतीरुपेण संस्थिता... माझ्या बाबतीत ही भ्रांती समूळ नि:शेष करून; या जगाबद्दलची ओढ, आकर्षण पूर्ण निपटून काढून; जगाबद्दलचा भ्रम कणभरही राहू न देऊन; कैवल्य बहाल करण्याचा प्रभूचा प्रयत्न आहे. त्यामुळे अनुकूल किंवा प्रतिकूल दोन्ही गोष्टी माझी या जगाबद्दलची भ्रांती दूर करण्यासाठीच असतात. मी तरी त्याकडे तसंच पाहतो. त्यामुळे काही वाटण्याचा प्रश्न खूप कमी होतो. त्यामुळेच फारसा अस्वस्थ होत नाही.'

फोन : कठीण आहे बाबा तुझं.

उत्तर : 😀😀

- श्रीपाद कोठे

७ एप्रिल २०२२