काशी कॉरिडॉरचं काम करणाऱ्या कामगारांसोबत जेवतानाचं पंतप्रधानांचं छायाचित्र काल भरपूर व्हायरल झालं. ज्यांना मोदी सलतात त्यांचा प्रश्नच नाही, पण मोदी समर्थकांनी त्यातून काही मेसेज घेतला असेल का? 'मोदीजी किंवा नेतृत्व असं असं आहे' एवढं कौतुक पुरेसं म्हणता येईल का? नक्कीच नाही. श्रमप्रतिष्ठा, शारीरिक श्रमांचा आदर, शरीर श्रमाचा निश्चय, साधेपणा, गरीब - श्रीमंत भावनेला तिलांजली, सत्ता आणि संपत्ती नसलेल्यांबद्दल आदराची सहृदय वागणूक; हे सगळं त्या छायाचित्रातून झिरपलं तर त्याचं सार्थक म्हणता येईल. काशी विश्वनाथ त्यासाठी आशीर्वाद देवो.
- श्रीपाद कोठे
१४ डिसेंबर २०२०
कोणत्याही टिप्पण्या नाहीत:
टिप्पणी पोस्ट करा