सरस्वती वंदना

'नाशिकच्या साहित्य संमेलनात माता सरस्वतीची वंदना केली नाही म्हणतात. तुम्हाला काय वाटतं?'

'ज्यांनी सरस्वती वंदनेला नकार दिला ते असहिष्णू, कोत्या वृत्तीचे अन क्षुद्र मनाचे आहेत.'

'पण अपमानाचे....'

'मला नाही वाटत मा सरस्वतीचा अपमान वगैरे कोणी करू शकेल? कोणाचीही ती औकात नाही. सूर्यावर थुंकणारे सूर्याचा अपमान करू शकतील का? त्यामुळे अपमान वगैरे नाही. अन या घटनेमुळे यानंतर सरस्वती वंदन बादच होईल वगैरेत तथ्य नाही. माँ सरस्वतीचे भक्त तिची वंदना थांबवतील का कधी? शक्यच नाही. भागीरथीच्या विशाल प्रवाहात दगड फेकून तो प्रवाह थांबवू असं वाटणारे येडपट असतात. दुसरं काही नाही. हां; ते असहिष्णू, कोते, अन क्षुद्र मात्र आहेत.'

- श्रीपाद कोठे

५ डिसेंबर २०२१