कपड्यावर भांडे हा प्रकार माहिती होता, पण आज दारावर एक बाई आली होती - केसांवर भांडे. या वेगळ्या प्रकाराला किती दाद मिळते, कोण कोण कशी कशी दाद देतात पाहायला दारात उभा होतो. कोणी काही दाद दिली नाही. तेव्हा उत्सुकतेने पाहत असलेल्या माझ्याकडे वळून तिने मलाच विचारले. मी डोक्यावरून हात फिरवत म्हटले - केसच नाहीत काय देऊ? ती इतकं मनमोकळं हसली की कित्येक दिवसात इतकं मोकळं, निरभ्र हसू पाहायला मिळालं नव्हतं.
- श्रीपाद कोठे
९ डिसेंबर २०१७
कोणत्याही टिप्पण्या नाहीत:
टिप्पणी पोस्ट करा