आपण ज्यांना डोक्यावर घेतो; कपडेलत्ते, दागदागिने, शृंगार इत्यादीत ज्यांचं अनुकरण आणि अनुसरण करतो; ज्यांच्या मतांना, विचारांना वजन आणि महत्व देतो; त्यांना स्वयंपाकातलं काही येत नाही, हे उत्तम स्वयंपाक करणारे महिला पुरुष आवडीने पाहतात. त्यांचा स्वयंपाकातील 'ढ' पणा enjoy करतात. अन अशा तऱ्हेने आपण एक 'आनंदी (!??)' समाज होतो. अशा तऱ्हेने ते सेलिब्रिटी तसेच सेलिब्रिटी राहतात. त्यांची किंमत आणखीन वाढते. तुम्हा आम्हाला 'आनंदी (!??)' करून ते कोट्यवधी रुपये कमावतात. त्यासाठी अनेक जण उदार होऊन त्यांना कोट्यवधी रुपये देतात. हे कोट्यवधी रुपये त्यांना देण्यासाठी हे दानशूर कोट्यवधी लोकांकडून ते कमावतात.
अन सरतेशेवटी आपण सगळी लाजलज्जा कोळून पिऊन 'महासत्ता' होतो.
ही साठा उत्तराची कहाणी पाचा उत्तरी सुफळ संपूर्ण. पंढरीनाथ महाराज की जय.
- श्रीपाद कोठे
२९ डिसेंबर २०२१
कोणत्याही टिप्पण्‍या नाहीत:
टिप्पणी पोस्ट करा