कालपासून सांगावं की नाही समजत नव्हतं कारण किंचीत का होईना स्वतःबद्दल बोलावं लागणार. पण आलेला अनुभव इतका छान की सांगितला पाहिजे असा. तर... दोन दिवस रुग्णालयात होतो. (काही विशेष नाही. आता एकदम बरा आहे.) रुग्णालय सोडताना चाकाची गाडी एक सेविका ढकलत होती. लिफ्टजवळ पोहोचल्यावर म्हणाली - 'औषधं घ्या, काळजी घ्या; पुन्हा दवाखान्यात येऊ नका.' खरं तर चमकलो क्षणभर. ती सेविका सगळ्यांनाच तसं म्हणत असावी कदाचित; कदाचित रुग्णालयाची तशी सूचना असावी; कदाचित आजकालच्या hospitality चा तो ट्रेंड असावा. मला ठाऊक नाही. पण मानवी मनाचं, वर्तनाचं एक छान दर्शन मात्र झालं. तेही 'साधारण' समजल्या जाणाऱ्या सेविकेकडून.
- श्रीपाद कोठे
२० जून २०२०
कोणत्याही टिप्पण्‍या नाहीत:
टिप्पणी पोस्ट करा