शुक्रवार, २३ जून, २०२३

अंतर्विरोध

जगातले सध्याचे बहुतेक सगळे संघर्ष कमीअधिक एकाच प्रकारचे आहेत. 'सर्वेपि सुखीन: सन्तु' विरुद्ध 'career, achievement, goals, target, power'. अगदी व्यक्तिगत संघर्षापासून जागतिक आर्थिक, सामाजिक, राजकीय, भौगोलिक, सांस्कृतिक, सांप्रदायिक; सगळे. भारतीय परिस्थिती, इतिहास, परंपरा, वीण; यामुळे आपल्याला अजून ते तेवढे स्पष्टपणे आणि तीव्रतेने लक्षात येत नाहीत. पण त्यांचे विकराळ स्वरूप भविष्यात अनुभवावे लागू शकेलच. गंमत म्हणजे 'सर्वेपि सुखीन: सन्तु' हे मान्य असणारे, त्याचा उच्चार करणारे, त्याचा उल्लेख करणारे, ते उचलून धरायला हवं असं वाटणारे; अशा वर्गातील बहुसंख्यांनाही या संघर्षाचं आकलन नीट होत नाही. स्वतःच्या विचार, व्यवहाराचा अंतर्विरोध त्यांना लक्षात येत नाही. मुख्य म्हणजे माहिती आणि तांत्रिकता (तांत्रिकता केवळ तंत्रज्ञान, विज्ञान, material science यातच असते असं नाही. विचार, विचारपद्धती इत्यादीतही असते.) यांच्या जंजाळात आणि गुंत्यात भांबावत आणि वाहत जाणेही अपरिहार्यपणे होत जाते. सगळ्या पसाऱ्यातून नेमक्या गोष्टीवर दृष्टी ठेवणारे फार कमी असतात. असे लोक वाढायला हवेत एवढं मात्र खरं.

- श्रीपाद कोठे

२४ जून २०२१

कोणत्याही टिप्पण्‍या नाहीत:

टिप्पणी पोस्ट करा