रा.स्व. संघाबद्दल विचार करून बोलणाऱ्यांपेक्षा विचार न करून बोलणारेच जास्त आहेत. संघाचा उल्लेख ultra nationalist असा करतात तेव्हा हसायला येतं अन कीव येते. अनेक देशांमध्ये संघाचे काम चालते. त्याच्या शाखाही चालतात. त्यातील एकाही ठिकाणी 'राष्ट्रीय स्वयंसेवक संघ' या नावाने काम चालत नाही. एक तर 'हिंदू स्वयंसेवक संघ' किंवा 'भारतीय स्वयंसेवक संघ' अशी नावे आहेत. त्या त्या देशातील राष्ट्रीय समाज वेगळे आहेत आणि त्यांच्याशी समन्वय राखून आपण राहिले पाहिजे आणि काम केले पाहिजे ही संघाची भूमिका आहे. तेथील प्रार्थनाही वेगळी आहे. एवढेच नाही तर प्रार्थनेच्या शेवटी भारतातल्याप्रमाणे 'भारत माता की जय' असे न म्हणता 'विश्वधर्म की जय' असे म्हटले जाते. असे असूनही, इतक्या स्पष्ट भूमिका असणारा, इतका स्वच्छ विचार करणारा संघ ज्यांना ultra nationalist वाटतो त्यांचा काही इलाज नाही.
- श्रीपाद कोठे
२४ जून २०१८
कोणत्याही टिप्पण्‍या नाहीत:
टिप्पणी पोस्ट करा