महातत्वांचा महाभिमान

१) माझ्यासारखा वाईट कोणी नाही,

२) एकदा मी एखाद्याला तोडलं की त्याच्याकडे ढुंकून पाहत नाही,

३) मी कधी चुकतबिकत नाही,

४) दुसऱ्याचा विचार करण्याच्या भानगडीत मी पडत नाही,

५) बाकीच्यांचा विचार करण्याची मला गरज नाही,

६) माझ्यापाशी दयामाया नाही,

७) मी खूप कठोर आहे,

८) आपण कधी जमवून वगैरे घेत नाही,

९) समजून बिमजून घेण्याची भानगड आपल्याकडे नसते,

१०) मूर्ख लोक नमतं घेतात,

इत्यादी इत्यादी इत्यादी महातत्वांचा महाभिमान बाळगणाऱ्या लोकांचं खरंच कौतुकच केलं पाहिजे.

- श्रीपाद कोठे

२४ जून २०१७