भैणी साहिब

GNT नावाची एक वृत्तवाहिनी आहे. त्याचा full form आहे good news today. नाव इंग्रजी असलं तरी आहे हिंदी वाहिनी. त्याच्यावर पंजाबच्या लुधियाना जिल्ह्यातील भैणी साहिब इथली माहिती दाखवली. तिथे बारावीपर्यंतच्या सगळ्या मुलामुलींना शास्त्रीय संगीताचं शिक्षण अनिवार्य आहे. गेल्या शंभर वर्षांपासून ही पद्धत आहे. मुलेही आवडीने शास्त्रीय संगीत शिकतात. काही मुलांनी जे शिकलो त्याची थोडी झलक दाखवली. तीही फार छान होती. सगळी मुले पुढे जाऊन गायक, वादक होणार नाहीत. पण किमान सगळ्यांचा कान आणि मन तयार होतं. गोडी लागते. अन् अनायासे शास्त्रीय संगीताची भरपूर माहिती तर होतेच होते.

- श्रीपाद कोठे

२५ सप्टेंबर २०२२