'`देव नाही' असे अद्याप कोणीही सिद्ध केलेले नाही. अगदी विज्ञानानेही. देव दिसत नाही, बोलत नाही म्हणून तो नाही. पण हे अनुमान झाले, सिद्धांत नाही. उलट `देव आहे', आपण तो पाहिला आहे, त्याच्याशी बोललो आहे, असे म्हणणारे अनेक आहेत. मुळात `देव' ही पाहणे, स्पर्शणे, ऐकणे याची बाबच नसून तो याच्या अतीत आहे असा तर्क करणारेही आहेत. थोडक्यात काय तर, `देव आहे' हे जसे सिद्ध झालेले नाही; तसेच किंवा त्याहूनही अधिक `देव नाही' हेदेखील सिद्ध झालेले नाही. मग `देव नाही' असे आग्रही प्रतिपादन करून तेच सत्य आहे आणि देव मानणे ही भावना व श्रद्धा आहे, असे जे म्हणतात त्यांचे काय? सिद्ध न झालेली गोष्ट सत्य कशी काय म्हणता येईल? `देव आहे' ही जशी श्रद्धा, तशीच `देव नाही' हीदेखील श्रद्धाच नाही का?
- श्रीपाद कोठे
११ सप्टेंबर २०१५
कोणत्याही टिप्पण्‍या नाहीत:
टिप्पणी पोस्ट करा