अमेरिकेचा ढोंगीपणा आणि अंतर्विरोध वेळोवेळी उघड होत असतोच. जगभरातील त्याची युद्धखोरी तर प्रसिद्धच आहे. पण छोट्या छोट्या गोष्टीत सुद्धा ते ठळकपणे दिसतं. काल एक जण सांगत होते- तिथे उदबत्ती लावता येत नाही. कारण प्रदूषण होतं. हे नेमकं कुठलं माहीत नाही. कारण तिथे वेगवेगळ्या ठिकाणी वेगळे कायदे आहेत. पण प्रदूषणासाठी उदबत्तीवर निर्बंध घालतानाच -
१) स्वयंचलित वाहनांनी होणारे प्रदूषण,
२) फटाक्यांनी होणारे प्रदूषण, (नववर्ष, नाताळ आणि अन्य वेळी किती आतिषबाजी होत असते)
३) औषधे, सौंदर्यप्रसाधने, air purifiers, deodorants, शेतीपासून अन्य अनेक ठिकाणी वापरण्यात येणारी रसायने,
या वा यासारख्या असंख्य गोष्टींनी होणारे प्रदूषण दुर्लक्षित केले तर चालते का?
american culture चा ढोंगीपणा आणि अंतर्विरोध तर आहेच; पण आपले अमेरिकाधार्जिणेपणही काही कमी नाही. अमेरिकेतील सगळे छान, आदर्श, अनुकरणीय इत्यादी. अन त्याचवेळी आपण, आपला देश, जीवन सगळं बोगस, त्याज्य, किळसवाणं किंवा किमान आवडू नये असं. आमचे रस्ते, व्यवस्था इत्यादी इत्यादीही. मात्र २ दिवसांपूर्वी पाहिलेल्या एका व्हिडीओने अशा लोकांना वेगळे दर्शन घडवले आहे. १०-१२ मिनिटांचा हा व्हिडिओ अमेरिकेतील एका गणेशोत्सवाचा आहे. स्थापनेपूर्वी तिथे जी मिरवणूक काढली त्याचा. ते चित्रण पाहताना हा भारतच असावा अशी शंका यायला भरपूर वाव. कारण रस्त्यांना ठिगळे, रस्त्याच्या कडेला कागदाचे कपटे वगैरे, विजेच्या तारा लोंबत असणाऱ्या असं चित्र. अमेरिका अशीही आहे हे सांगणारं. परंतु तिथे गेलेल्यातील बहुसंख्य (काही अपवाद अर्थात आहेतच) आणि जाण्याची सुप्त इच्छा असणारे यांचे अमेरिका कौतुक मात्र विसविशीत आहे असेच वाटते.
- श्रीपाद कोठे
११ सप्टेंबर २०१६
कोणत्याही टिप्पण्या नाहीत:
टिप्पणी पोस्ट करा