जाहीर आव्हान

जाहीर आव्हान (आवाहन नव्हे, आव्हान)

आव्हानाची भाषा माझ्या प्रकृतीला साजेशी नाही. मी तशी भाषा करत नाही. तशी भाषा करू नये असं माझं मतही आहे. पण आज मी जाणीवपूर्वक, विचारपूर्वक हे आव्हान देतो आहे. प्रत्येक गोष्ट समजून घ्यावी, प्रत्येक गोष्टीची दुसरीही बाजू असते, त्यामुळे प्रतिक्रिया देऊ नये, रागावू नये, फाशी वगैरे सारख्या शिक्षा देऊ नये, कोणत्याही गोष्टीसाठी आग्रही असू नये, दुष्टतेला विरोध करतानाच दृढतेलाही विरोध करावा, दुष्टतेला विरोध करणेही चुकीचे, सगळ्यांना सगळ्या वेळी माफ करावे, वगैरे वगैरे सारखे तर्क आणि युक्तिवाद करणाऱ्या सगळ्या वयाच्या, सगळ्या आर्थिक सामाजिक शैक्षणिक स्तरातल्या, मान्यताप्राप्त किंवा हौशी- सगळ्या महिला पुरुषांना माझे आव्हान आहे-

त्यांनी एकाच पद्धतीने वागणारा, विचार करणारा, १०० टक्के विचारी, १०० टक्के सज्जन, १०० टक्के प्रामाणिक समाज तयार करून दाखवावा. तो काही काळ टिकवून दाखवावा आणि मग आपली मते मांडावीत. असे करू शकत नसल्यास तोंडाला कुलूप घालावे हे बरे.

- श्रीपाद कोठे

३० जुलै २०१५