शहाणे

- उपभोग चालू द्या, तेवढी कचऱ्याची समस्या सोडवा;

- वाहने वाढू द्या, तेवढं प्रदूषण मात्र कमी करा;

- शहरं अवाढव्य वाढू द्या, तेवढी कुटुंब व्यवस्था टिकवून धरा;

- अखंड धावपळ करा, शरीर स्वास्थ्य मात्र जपा;

- जीवनशैली उंचावत राहा, अभावातला साधेपणा, सहजता तेवढी टिकवा; (भाजप हा संदर्भ घ्यायला हरकत नाही);

- विद्यार्थ्यांना खूप शिकवा, त्यांच्यावर दडपण मात्र देऊ नका;

************************************

(यादी वाढवायला हरकत नाही.)

आम्ही इतके शहाणे की, ज्यामुळे समस्या तयार होते ती मूळ गोष्ट कमी न करता, समस्या सोडवण्याचा पुरुषार्थ आम्हाला करायचा आहे !! ज्या फांदीवर बसला तीच फांदी तोडणाऱ्या लाकूडतोड्यानंतर, मानवी इतिहासात 'शहाणे' म्हणून आमचीच गणना होईल कदाचित.

- श्रीपाद कोठे

६ नोव्हेंबर २०१९