गुरुवार, १० नोव्हेंबर, २०२२

कागदपत्रे

एखादा महत्वाचा कागद/ कागदपत्र हाताशी असतं आणि पुस्तक वाचताना ते त्यात ठेवलं जातं. नंतर एखाद्या वेळी त्याची गरज पडते. आपण अतिशय व्यवस्थित असतोच. जिथे सगळी कागदपत्रे असतात तिथे शोधतो. पण हवा असलेला दस्तऐवज सापडत नाही. मात्र पुन्हा पुन्हा त्याच ठिकाणी शोध शोध शोधतो. खाली, वर, आत, बाहेर, उलट, सुलट... सगळं होतं. दस्तऐवजाचा मात्र ठाम नकार. जिथे आपण कधीच कागदपत्रे ठेवत नाही तिथेही थकेपर्यंत शोधतो. पण निरर्थक. मग प्रथम चिडचिड, नंतर वैताग, नंतर हताशा, नंतर नशिबाला दोष. मग सगळं शांत. मग पूर्ण विसर. त्या कागदपत्रामुळे अडलेलं काम कृष्णार्पण. महिने जातात. अन कधीतरी पुन्हा ते पुस्तक हाती घेतो. कामाने वा बिनकामाने हाताळत असतो. अन ज्याने आपला प्रचंड छळ केला तो कागद अचानक दृष्टीस पडतो. तेव्हा होणारा आनंद, आपल्याच बावळटपणाचं हसू, अन हुश्श करणारं समाधान; यांचं रसायन निव्वळ अद्भुत असतं.

- तर, सगळ्यांना त्यांची त्यांची कागदपत्रे वेळेवर सापडोत. 😊

- श्रीपाद कोठे

११ नोव्हेंबर २०२०

कोणत्याही टिप्पण्‍या नाहीत:

टिप्पणी पोस्ट करा