मंगळवार, २३ ऑगस्ट, २०२२

भ्रम

सेन्सेक्स, निफ्टी सहा-सहा टक्के कोसळले. उद्याच्या वृत्तपत्रांची मुख्य बातमी तयार झाली. कारणे- चीनने चलनाचं अवमूल्यन केलं, कच्च्या तेलाचे भाव आपटले. तेलाचे भाव वाढले तरी समस्या, तेलाचे भाव खाली आले तरी समस्या. चलन महाग झालं तरी समस्या, चलन स्वस्त झालं तरी समस्या. एखादी अर्थव्यवस्था पुढे धावली तरी समस्या, एखादी अर्थव्यवस्था ठप्प झाली (मागे पडली) तरी समस्या. अन समस्या फक्त त्या देशापुरती नाही तर सगळ्या जगासाठी. २००८ मध्ये अमेरिकेने जगाला वेठीला धरलं. आता कदाचित चीन. नंतर कदाचित आपणही.

तरीही सगळे आरडाओरड करत असतात- आम्ही स्वतंत्र आहोत, आम्ही स्वतंत्र आहोत.

शिवाय प्रचलित अर्थशास्त्रच जगाचं भलं करेल हा भ्रम सोडायलाही तयार नाहीत कोणी.

- श्रीपाद कोठे

२४ ऑगस्ट २०१५

कोणत्याही टिप्पण्‍या नाहीत:

टिप्पणी पोस्ट करा