`गायीमध्ये कोणाचीही आई नसते.'-

गायीमध्ये कोणाचीही आई नसते.'- न्या. मार्कंडेय काटजू.

न्यायमूर्ती महोदय, बरोबर आहे तुमचे म्हणणे. पण हेही खरे की तुमची आईसुद्धा तुमची आई नाही. ती एक बाई आहे अन तिने तुम्हाला जन्म दिला आहे. जसे गाय वासराला जन्म देते, वाघीण आपल्या पिल्लांना जन्म देते, चिमणी छोट्या छोट्या चिमण्यांना जन्म देते; तसेच. अगदी तसेच. कोणताही पशु वा पक्षी जन्म देणाऱ्या मादीला `आई' कुठे म्हणतो? फक्त माणूसच म्हणतो- `आई'. चुकीचे आहे ते. माणसाने `आई' म्हणणं सुरु केलं अन तो सभ्य झाला. पण मुळात ही सभ्यता वगैरे कृत्रिम गोष्टी आहेत. भावना, नाती वगैरे निरर्थक अन झूठच. हा सभ्यतेचा प्रवास अर्ध्यावर आहे, अन तो पूर्ण व्हावा असं वाटणारे लोक गायीला माता मानायला शिकवतात, पृथ्वीला माता मानायला शिकवतात, नद्यांना माता मानायला शिकवतात... आणखीन कोणास ठाऊक कशाकशाला माता म्हणायला शिकवतील. पण मुळात सभ्यता अन मनाला वळण लावणारे संस्कार ही गोष्टच कृत्रिम अन म्हणूनच चुकीची असल्याने ती मोडून काढायला हवीच. फक्त एकच विनंती- तुमचा आदिमतेचा प्रवास मधेच गायीवर थांबवू नका, पुढे बाईकडेही चालू द्या. अन चांगल्या कामाची सुरुवात स्वत:पासून करावी म्हणतात ना... तेव्हा घ्या पुढाकार.

- श्रीपाद कोठे

५ ऑक्टोबर २०१५