एक कुरियरचा `डिलिव्हरी बॉय' पार्सल देण्यासाठी एका घरी गेला. घरी फक्त आजोबा होते. त्यांना कमी ऐकू येते. तो मुलगा त्यांच्याशी अशा काही गुर्मीत आणि थाटात बोलला की बस. मला लक्षात आले आणि मी त्याला टोकले. मी त्याला म्हणालो- नीट बोलावे. त्यावर त्याने दिलगिरी व्यक्त करणे दूरच, हुज्जत घालणे सुरु केले. वरून त्याचे पालुपद- मला काय माहीत त्यांना ऐकू येत नाही ते. मी म्हटले- अरे माहिती असण्याचं काय कारण. ते म्हातारे आहेत दिसत नाही का? आणि म्हातारे असो वा तरुण, पुरुष असो वा स्त्री; नीटच बोलले पाहिजे ना? अनेकदा तर आपणही असेच करतो- मला माहीत नव्हते. मी काय मुद्दाम केले का? वगैरे. परमेश्वराने सगळ्या गोष्टी सांगून तर जन्माला घातलेले नाही ना? परिस्थिती पाहून ती समजून घेण्याची वृत्ती; शिकण्याची, विकसित करण्याची आपली किती तयारी असते?
- श्रीपाद कोठे
२९ ऑक्टोबर २०१४
कोणत्याही टिप्पण्‍या नाहीत:
टिप्पणी पोस्ट करा