परस्परावलंबीत्व याऐवजी परस्परानुकूल या शब्दाचा उपयोग व्हावा, वाढावा असं वाटतं. परस्परावलंबीत्व या शब्दाने अवलंबून राहणे, अवलंबून असणे, अवलंबून ठेवणे, आपल्या भल्या वा वाईटासाठी अन्य कोणी/ अन्य काही जबाबदार असण्याची भावना, अवलंबित्व वाढवण्याची प्रवृत्ती, अडवणूक वा गैरफायदा, पारतंत्र्य; अशा सगळ्या बाबी कळत वा नकळत येतात. याउलट परस्परानुकूल या शब्दाने जबाबदारी, साद- प्रतिसादाची भावना, त्रुटींवर मात करण्याचा विचार, अवलंबित्व कमी करण्याचे प्रयत्न, अडवणूक वा गैरफायदा याऐवजी पूरकतेचा विकास, व्यक्तीप्रतिष्ठा, समजुतदारी, जाणिवांचा विस्तार; याकडे लक्ष पुरवले जाते.
- श्रीपाद कोठे
२८ ऑक्टोबर २०१९
कोणत्याही टिप्पण्या नाहीत:
टिप्पणी पोस्ट करा