एका पोस्टवर दिलेली प्रतिक्रिया-
मुळात महापुरुष ही फक्त एक प्रेरणा असते. त्याऐवजी त्यांना icon समजणे हे फसवं असतं. अनंतवार हा प्रश्न त्यामुळेच उत्पन्न होतो. महापुरुषांचं अनुकरण, त्यांचे विचार आचरणात आणणं, त्यांच्या मार्गावर चालणं, त्यांचे सल्ले मानणं; असं काहीच नसतं. मुख्य म्हणजे असू शकत नाही. का असू शकत नाही हा स्वतंत्र विषय आहे. सामान्य माणसाच्या मनात महान होण्याची ठिणगी पेटवणं एवढंच फक्त त्यांच्या जीवनाचं प्रयोजन असतं. ही ठिणगी पेटून तिचा वणवा होणं ही पुन्हा वेगळी बाब. अशा ज्या ठिणग्या पेटल्या त्यांचाच परिणाम म्हणजे आजची मानवी सभ्यता. हीच प्रक्रिया सुरू राहील आणि त्यालाच आपण परिवर्तन म्हणतो. परिवर्तन हा उद्देश नसतो अन ते घडवताही येत नाही. परिवर्तन हा प्रेरणेचा परिणाम तेवढा असतो.
- श्रीपाद कोठे
१० ऑक्टोबर २०१९
कोणत्याही टिप्पण्‍या नाहीत:
टिप्पणी पोस्ट करा