एका वाहिनीवर श्याम मानव विरुद्ध वर्तक सुरु होतं. अन त्याच वेळी दुसऱ्या एका वाहिनीवर फेसबुकच्या मार्क झुकरबर्गने पंतप्रधान मोदींशी झालेल्या गप्पांमध्ये उल्लेख केलेल्या `कैची' गावच्या `निमकरोली' बाबांची माहिती सुरु होती. झुकरबर्गला apple च्या स्टीव्ह जॉब्सने या बाबांकडे पाठवले होते.
विज्ञान तंत्रज्ञानाची चिकित्सक बुद्धी नसलेले किंवा पैसा हवा आहे पण तो मिळवण्याची अक्कल नसलेले लोक बाबांच्या नादी लागतात. अन बाबा वगैरे ढोंग असतं, असं प्रा, मानवांच्या प्रबोधनामुळे आम्ही समजतो. पण मार्क झुकरबर्ग किंवा स्टीव्ह जॉब्स यांच्याकडे चिकित्सक बुद्धी किंवा पैसा कमावण्याचे तंत्र अन कौशल्य नसेल असे काही वाटत नाही. मग कधीही न पाहिल्या देखलेल्या, भारतात सुद्धा ज्याच्या बद्दल माहिती नाही अशा बाबांकडे ते का आकर्षित झाले असतील? अन सगळ्या जगाला नाचवणारा हा झुक्या त्या पहाडातल्या आश्रमात काही दिवस का राहिला असेल? त्याला काय मिळालं असेल? हा काय चमत्कार असावा? की झुक्या पण लेकाचा आमच्यासारखा दुबळाच आहे म्हणायचा? काही कळत नाही.
फक्त एक निरीक्षण नोंदवलंय मित्रांनो.
- श्रीपाद कोठे
२ ऑक्टोबर २०१५
कोणत्याही टिप्पण्‍या नाहीत:
टिप्पणी पोस्ट करा